Ўзбекистон бош прокурори Эронга сафар уюштиради

Ўзбекистон бош прокурори Рашиджон Қодиров Эронга сафар уюштиради. Бу ҳақда Эроннинг Ўзбекистондаги элчиси Али Мардоний Фард Эронда Ислом инқилоби ғалабасининг 36 йиллигига бағишланган матбуот анжуманида маълум қилди.

Шанхай Ҳамкорлик Ташилотига аъзо давлатлар ва кузатувчи давлатлар бош прокурорларининг Тошкентда бўлиб ўтган XII йиғилишида иштирок этиш учун келган Эрон бош прокурори Ўзбекистон бош прокурорига Теҳронга ташриф буюришни таклиф этган. Эрон элчисининг таъкидлашича, таклиф қабул қилинган, ташриф санаси дипломатик каналлар орқали келишилади.