АҚШда ИШИД аъзоси бўлган икки ўзбекистонлик қўлга олинди

АҚШда келиб чиқиши Ўрта Осиёдан бўлган 3 киши ҳибсга олинди. Уларнинг икки нафари ўзбекистонлик ва учинчиси қозоқ экани маълум бўлган. Бу ҳақда Бруклин прокурори Лоретта Линчга асосланган ҳолда Рейтер хабар берган.

Хабарда айтилишича, уларнинг биринчиси Сурияга Туркия орқали бориш учун Нью-Йоркдан йўлга отланганида, аэропорт ҳудудида қўлга олинган. Яна бири Флоридада, учинчиси эса Бруклинда қўлга тушган.

24 ёшли Ўзбекистон фуқароси Абдурасул Ҳасанович Жўрабоев ва 19 ёшли қозоғистонлик Аҳрор Сайдаҳметов Сурияга жангарилар сафида жанг қилиш мақсадида боришни режалаштирган. Яна бир ўзбекистонлик, 30 ёшли Аброр Ҳабибов эса уларни маблағ билан таъминлаган.

Ҳибсга олинганларнинг барчаси анча вақтдан буён Бруклин шаҳрида яшаб келаётган бўлган.