Афғонистон шимолида ўлдирилган ўрта осиёлик жангариларнинг оила аъзолари асирга олинди

25 февраль куни Афғонистоннинг Бадахшон вилояти, Тагоб туманида икки кун давом этган жанглардан кейин, ҳукумат ҳарбийлари йўқ қилинган жангариларнинг болалари ва беваларини қўлга олди, деб хабар берди TOLO News ахборот агентлиги. Бу ҳарбий амалиёт давомида 51 нафар “Туркистон ислом ҳаракати” аъзолари ўлдирилган.

“Ўлдирилган хорижлик жангарилар асосан Тожикистин ва Қирғизистон фуқаролари бўлишган. Уларнинг 18 нафар бева ва етим болалари қўлга олинди”, дейди Бадахшон полицияси бошлиғи Гулаҳмад Бедор «TOLO News» нашрига берган интервьюсида.

Маълум қилинишича, бу асирлар айни пайтда Файзобод шаҳридаги шифохонага жойлаштирилган. Уларни махсус хизмат вакиллари назорат қилишммоқда.