АҚШда америкаликларни ИШИД сафига ёллашга ҳаракат қилган ўсмир ҳибсга олинди

АҚШнинг Виржиния штатида америкаликларни ИШИДнинг террористик гуруҳларига ёллаш ишларида қатнашгани гумон қилинаётган 17 ёшли ўсмир ҳибсда сақланмоқда. Бу ҳақда CNNхабар берди.

Хабарда унинг исми-шарифи ошкор қилинмаётгани, лекин бу талаба ўтган ҳафтадаёқ қўлга олингани айтилади.

Прокурорлар унга нисбатан жазо тайинлашни талаб қилишмоқда. Лекин, қонунга кўра, гумонланувчи ҳали балоғат ёшига етмагани учун, унга ҳукм эълон қилишнинг имкони йўқ. Ҳуқуқни муҳофаза қилиш органлари унинг 18 ёшга ўтишини кутишади.

Унга шунингдек, ИШИД ғояларини ифодаланган варақаларни тарқатиш айби ҳам қўйилиши кутилмоқда.

Маълумот учун, 2014 йилда АҚШ Олий суди ИШИДни террористик ташкилот сифатида эълон қилган ва бу ташкилотнинг мамлакат ҳудудида фаолият олиб боришини тақиқлаган.