Тошкент ҳайдовчилари 9 май куни уруш ва меҳнат фронти фахрийларини табриклашади

Ўзбекистонда энг оммабоп ва кўп сонли аъзоларига эга Facebookдаги  «Водители Ташкента» (“Тошкент ҳайдовчилари”) гуруҳи томонидан 9 май куни фашизм устидан қозонилган Ғалабанинг 70 йиллиги муносабати билан уруш ва меҳнат фронти фахрийлари учун ижтимоий-хайрия акцияси ўтказилади.

Автоҳаваскорлар Тошкент вилояти ва Тошкент шаҳрида истиқомат қилаётган фахрийлар холидан хабар олишади. Ҳозирда гуруҳ маъмурияти акцияда иштирок этадиганлар рўйхатини тузиш, Хотира ва Қадрлаш куни фахрийларга етказиб бериладиган озиқ-овқат маҳсулотларини харид қилиш учун маблағ йиғиш билан шуғулланмоқда.

Айтиб ўтиш жоизки, мазкур акция Тошкентнинг автоҳаваскорлари томонидан биринчи маротаба ўтказилиб келинаётгани йўқ. Унда иштирок этиш учун www.facebook.com /groups/voditeli /сайтига кириб, “Водители Ташкента” гурухига хабар қолдириш лозим.