Обаманинг янги ёрдамчисини тайинланди

АҚШ президенти Барак Обаманинг Яқин Шарқ, Шимолий Африка ва Форс кўрфази минтақаси бўйича янги махсус ёрдамчиси этиб Роберт Малли тайинланди, бу ҳақда АҚШ президентининг Миллий хавфсизлик бўйича ёрдамчиси Сьюзан Райс маълум қилди.

Ҳозирда Эрон, Ироқ, Сурия ва Форс кўрфази давлатлари бўйича Оқ уйнинг Миллий хавфсизлик кенгаши (МХК) катта директори бўлиб ишлаётган Малли бу янги лавозимда 6 апрелдан ишлашни бошлайди. У истеъфога чиқаётган Филип Гордоннинг ўрнига келади.

Райснинг айтишича, Гордон “МХКни оиласи билан кўпроқ вақт ўтказишни ва бошқа касбда ўзини синаб кўришни истаётгани сабабли” тарк этмоқда.

“Фил ўрнига Робдан яхшироқ номзодни топиб бўлмайди. Роберт 2014 йил февралидан Эрон, Ироқ, Сурия ва Форс кўрфази давлатларида бизнинг сиёсатимизни шакллантиришда асосий аҳамият касб этган, давлатимиздаги энг обрўли мутахассислардан бири ҳисобланади”, деб айтди Райс.

Аввал Малли АҚШнинг бир неча маъмуриятларида бир қатор лавозимларда ишлаган, 2001 йилдан 2014 йилгача нодавлат ташкилотларидан бирида Яқин Шарқ йўналишини бошқарган.