Авиазарбалардан тинч аҳоли ҳалок бўлмоқда

АҚШ ва халқаро коалиция кучлари томонидан ҳаво орқали Ироқ ва Сурия ҳудудида жойлашган ИШИД жангариларининг манзилларига ҳужумлар қилиниши натижасида тинч аҳоли вакиллари ҳам ҳалок бўлган. Бу ҳақда Reuters хабар бермоқда.

Бундай ҳолат Суриянинг Туркияга яқин қисмида жойлашган Тель-Абьяд шаҳрига ҳаво зарбалари берилиши вақтида рўй берган, дейилади хабарда.

Ҳужум қурбонлари орасида 30 нафардан ортиқ киши ҳалок бўлган, уларнинг орасида ҳудуддаги нефть қазиб олувчи заводнинг ишчилари ҳам бўлган.