IDROK.UZ Mustaqil OAV
56 ёшли қўшиқчи Мадонна таниқли бошловчи Говард Стернга берган интервьюсида у 19 ёш бўлганда унинг номусига тажовуз қилингани ҳақида гапириб берди.
Мадоннанинг айтишича, бу унинг Нью-Йоркдаги ҳаётининг биринчи йилида юз берган. У ўшанда атрофдагиларга нисбатан ишонувчан ва кўнгилчан бўлган. Мадонна кунлардан бирида ўткинчи одамдан телефон автоматдан қўнғироқ қилиб олиш учун озроқ пул сўраган, бироқ бу нотаниш кимса унга ўз уйидан телефон қилиши мумкинлигини таклиф қилган. Мадонна кўнгилчанлиги туфайли бу одамга ишонган. Бироқ бу одам уни уйига олиб бориш ўрнига, бир уйнинг томига олиб чиқиб, унинг номусига тажовуз қилган.
Мадонна эса полицияга мурожаат қилмасликка қарор қилган.
Ўтган йилнинг декабрида, Леди Гага ҳам айнан шу бошловчига берган интервьюсида, унинг ҳам 19 ёшлигида номусига тажовуз қилингани ҳақида гапириб берганди.
