Cавдо марказида юз берган ёнғинда Ўзбекистоннинг тўрт нафар фуқароси ҳалок бўлган

Тaтaристоннинг Қозон шаҳридаги йирик “Адмирал” савдо марказида 11-март куни кундузги пайтда ёнғин келиб чиқиб, тезда 4 минг квадрат метр майдонга тарқалган. Икки соатдан сўнг кириш жойи одамлар устига қулаб тушган. Охирги маълумотларга қараганда, 17 нафар кишининг жасади топилган, бедарак йўқолган яна 19 киши бино остида бўлиши мумкин. 50 дан ортиқ киши жароҳатланган.

“Адмирал” савдо марказида ёнғин юз берганлиги тўғрисидаги хабар Москва вақти билан соат 12:54да ягона навбатчи – диспетчерлик бўлимига келиб тушган. Қўтқарувчиларнин г айтишича, тутунни пайқаб қолган соқчи ёнғин ўчирувчиларни дарров чақирмаган ва оловни ўз кучи билан бартараф қилишга уринган. Натижада олов катта майдонга тарқалиб кетган. Савдо марказига келганларни эвакуация қилиш ишлари бошланиб, бино атрофи ўраб олинган. Ёнғин тўрт минг квадрат метр майдонни қамраб олган ва конструкциялар қисман қулаб кетган. Дастлабки маълумотларга қараганда, бинонинг асосий қисмига қўшимча равишда барпо этилган ва кафе жойлашган бинода электр узатгичнинг носозлиги ёнғинга сабаб бўлган.

РИА Новости ахборот агентлигининг ахборотига кўра, суд – тиббий экспертиза бюросида 14 нафар ҳалок бўлганларнинг жасадлари аниқланган. Жумладан, 8 нафар хориж фуқаролари – 2 нафар Тожикистон Республикаси, 1 нафар Озарбайжон Республикаси, 4 нафар Ўзбекистон Республикаси, 1 нафар Туркия фуқароси қурбон бўлган.