«Агар лавозимимда қолсам, Фаластинни тан олмайман!»—Нетаньяху.

Исроил бош вазири Биньямин Нетаньяху айтишича, у ўз лавозимида қолар экан, Тель-Авив Фаластин давлатини тан олмайди, деб ёзади Reuters.

Аввалроқ исроиллик сиёсатчи фаластинликлар билан тинчлик шартномасининг бир қисми сифатида Фаластинда қуролсизлантирилган давлат тузиш мумкинлигини қайд этган эди.

Муддатидан аввалги парламент сайловлари Исроилда 17 март куни бўлиб ўтади. 10 март куни бош вазир унинг сайловларда ютқизишига қаратилган халқаро босим борлигини тахмин қилган эди.