Тошкентда фирибгар гипнозчи қўлга олинди

Тошкентнинг Бектемир туманида фирибгар гипнозчи пайдо бўлган.  Жабрланган Улуғбек Э. Автобус бекатида турганида, унинг ёнига бир киши келиб секин овоз билан бир нималарни айтишни бошлаган. Гипноз таъсирида Улуғбек нотаниш кимсага 3 миллион  сўм  пулни бериб қўйган.  Ўзига келгач, Улуғбек тезда ички ишлар идорасига мурожаат қилган. Унда мавжуд маълумотлар асосида  жиноятчининг тахминий сурати  тузилган.

Тез орада фирибгарнинг шахси  аниқланган. Пойтахтда яшовчи 32 ёшли  Аман Х. мазкур жиноятга қўл урган бўлиб,  айти пайтда  у хибсга  олинган.