Икки поезд тўқнашиб кетиши натижасида бир киши ҳалок бўлди

Швейцарияда икки поезд тўқнашиб кетди ва бир киши ҳалок бўлиб, 7 киши жароҳатланди. Бу ҳақда Agence France-Presse хабар бермоқда.

Хабарда айтилишича, бу ҳодиса темирйўл ишчилари йўлни таъмирлаётган вақтда рўй берган ва поездлар ҳам монтаж қилувчи поездлар бўлган.

Миллий темирйўл компанияси SBB’да маълум қилинишича, бу ҳодиса Люцерн ва Арт-Гольдау оралиғидаги йўлда юз берган.