Портлашлар оқибатида 55 киши ҳалок бўлди

Agence France-Presse агентлигининг хабар беришича, Яманда уюштирилган портлашлар оқибатида 55 киши ҳалок бўлган.
Айтилишича, биринчи портлаш пойтахт Санонинг жанубидаги масжидда содир бўлган. Масжиддагилар воқеа жойини тарк этаётган пайтда дарвоза олдида иккинчи портлаш содир бўлган.

Учинчи портлаш пойтахтнинг шимолидаги бошқа бир масжидда амалга оширилган.
Илгарироқ Форс кўрфази араб давлатлари ҳамкорлиги Кенгаши Ямандаги кескин вазият бўйича музокаралар олиб бориши маълум бўлган эди.