Тожикистон ва Қозоғистон пойтахтлари ўртасида авиарейс очилади

Қозоғистон ва Тожикистон Душанбе ва Остона ўртасида авиарейс очиш масаласида келишувга эришди, деб хабар қилади bnews.kz ресурси.

Иқтисодий ҳамкорлик бўйича Қозоғистон-Тожикистон ҳукуматлараро комиссиясининг икки кунлик йиғилиши якунларига кўра икки мамлакат ўртасидаги иқтисодий ҳамкорликни янада ривожлантириш мақсадида янги авиарейс ташкил қилиш ҳақида келишиб олинди. Бугунги кунда Олма-Ота-Душанбе линияси бўйича самолётлар қатнови йўлга қўйилган. Энди икки давлат пойтахтини боғлайдиган йўналиши очилиши айтилмоқда.
Рейсларни Тожикистоннинг “Тожик Эйр” ва “Сомон Эйр”, Қозоғистоннинг “Эйр Остона” компаниялари амалга ошириши кутилмоқда.