АҚШ Федерал суд маркази директори Ўзбекистонга ташриф буюради

Америка Қўшма Штатлари Федерал суд маркази директори, федерал судья Жереми Фогел жорий йилнинг июнь ойида Ўзбекистонга расмий ташриф буюришни режалаштирган.

“Ўзбекистоннинг суд ҳокимияти вакиллари билан сермаҳсул музокаралар олиб бормоқдамиз. Судьялар малакасини ошириш ва қайта тайёрлаш масаласи шулар жумласидандир. Ўзбекистонда суд – ҳуқуқ тизимида олиб борилаётган ислоҳотларнинг туб моҳияти билан батафсил танишиб чиқдик. Суд-ҳуқуқ тизимини либераллаштириш ва суд ҳокимияти мустақиллигини таъминлаш борасида Ўзбекистон ҳукумати томонидан олиб борилаётган саъй-ҳаракатлар таҳсинга лойиқдир”, деб таъкидлади Фогел.

Унинг айтишича, Федерал суд маркази ўзбекистонлик ҳамкасблари билан ҳамкорликни давом эттириш ва янада мустаҳкамлашга тайёр.