Кэмерон Буюк Британия бош вазирлигига қайта номзод кўрсатмайди

Буюк Британия бош вазири Дэвид Кэмерон мамлакат бош вазири лавозими учун учинчи бор курашмаслигини маълум қилгани ҳақида BBC хабар бермоқда.

“Мен айтганимдек, иккинчи муддатимни якунлайман ва янги етакчи учун вақт етиб келди деб ҳисоблайман”, – дейди Кэмерон BBCга берган интервьюсида.

Бош вазир ўзидан кейин мазкур лавозимга даъвогарларни санаб ўтди. Жумладан, мамлакат ички ишлар вазиири Тереза Мэй, молия вазири Жорж Осборн ва Лондон мэри Борис Жонсон.

Британияда умумий сайлов жорий йилнинг 7 майида бўлиб ўтади.

Консерваторлар партияси етакчиси бўлган Кэмерон бош вазир лавозимини 2010 йилнинг 11 майидан буён бошқариб келмоқда.

.