Ғалати айблов ва 5 ойлик қамоқ

Буюк Британияда 6 та фарзандни ёлғиз ўзи тарбиялайдиган она фарзандларига мактабга бормасликка имкон бергани учун 5 ой қамоқ жазосига тортилган. Бу ҳақда The Daily Mail нашри хабар берди.

42 ёшли Клаудия Уорд исмли бу аёл бир неча ой қамоқда ушлаб турилгандан кейин ўз айбини тан олди. У ўзининг фарзандлари “зерикарли ва иссиқ синфхонасидаги” дарсларга боришдан кўра пляж ёки ўрмонда сайр қилишдан кўпроқ фойда олади, деб ҳисоблаган.

“Таълим олиш ҳақидаги фикрларим доимо эркин ва ностандарт бўлган. Мен ҳамиша болаларда танлаш имкони бўлиши тарафдори бўлганман. Менинг нуқтаи назарим давлат ўқув дастури билан мос тушмагани сабабли таълим тизими ходими билан тортишиб қолдим”, дейди Уорд ўзининг жазо ҳукмига изоҳ бериб.