БМТ Яманга ҳарбий ёрдам беради

Яман президенти Абдраббу Мансур Ходий БМТ Хавфсизлик Кенгашидан исёнчиларга қарши курашда ёрдам бериш ниятини билдирган мамлакатларнинг ҳарбий аралашуви тўғрисидаги резолюцияни маъқуллашни сўраган.

Хавфсизлик Кенгаши аъзоларига йўлланган мактубида Мансур Ходий “қонуний ҳукуматга барча йўллар билан тезкор ёрдам кўрсатиш”ни илтимос қилган.

Айни кунларда президент мамлакатнинг жанубидаги Адан шаҳрига қароргоҳини кўчирган. Феврал ойида исёнчилар томонидан пойтахти Санонинг қўлга олиниши бунга сабаб бўлган.

Тахмин қилинишича, Яманда исён кўтарган хусийлар гуруҳи Эрон томонидан қўллаб-қувватланмоқда. Ўтган якшанба куни улар мамлакатнинг учинчи энг йирик шаҳри бўлмиш Тоизни қўлга олган.