Яман билан чегарага оғир артиллерия қисмлари жойлаштирилди

Саудия Арабистонининг Яман билан жанубдаги чегара қисмига армиянинг оғир артиллерия ва зирҳли машиналар бўлинмалари олиб келинди. Бу ҳақда Reuters хабар бермоқда.

АҚШ давлат маъмурияти вакилининг айтишича, бу чора ҳудуддаги нефть бойликлари ҳимояси учун қилинган муҳим иш ҳисобланади.

Жанубий чегараларни муҳофазалашнинг кучайтирилиши Ямандаги Таиз шаҳри исёнчилар қўлига ўтгани билан боғлиқ.

Бироз олдинроқ, БМТ Яманда ҳукумат тўнтариши амалга оширган хузийларни қоралаб чиққан ва дунё ҳамжамиятини мамлакат президенти Абд-Раббо Мансур Ҳодийни қўллаб-қувватлашга чақирган эди..