Ўзбекистон фуқароларининг жасадлари ватанларига қайтарилди

Почепдаги автоҳалокатда қурбон бўлган 11 нафар Ўзбекистон фуқаросининг жасадлари Ўзбекистонга жўнатилди. Жасадларни ватанига қайтариш билан боғлиқ харажатларни “Русский Стандарт Страхование” суғурта компанияси ўз зиммасига олган.

Компания ҳар бир кишига ўртача 150 минг рубль атрофида пул ажратган. Ҳалок бўлган ишчилар шу компания томонидан суғурта қилинган. Шунингдек, ҳалокатда тирик қолган бир нафар Ўзбекистон фуқаросининг даволаниш харажатлари ҳам шу компания томонидан қопланади.