Ҳалокатга учраган самолёт бортидаги йўловчилар сони аниқланди

Germanwings авиакомпанияси бугун ҳалокатга учраган самолёт бортида бўлган йўловчилар 142 нафарни эмас балки 144 нафарни ташкил этиб, 6 нафар экипаж аъзолари бўлганлигини маълум қилган.

  Аввалроқ Франция президенти Франсуа Олланд самолёт бортида кўпроқ Германия фуқаролари бўлганини таъкидлаган эди. Француз матбуоти ҳалок бўлган йўловчилар орасида қарийб 50 нафар испанияликлар ҳам бўлганини хабар қилган. Шунингдек, йўловчилар орасида Туркия фуқаролари ҳам бўлгани айтилмоқда.

Испания қироли авиаҳалокат туфайли Францияга сафарини қолдириб Испанияга қайтган.

Маълумки, А320 самолёти бугун эрталаб Барселонадан Дюссельдорфга парвоз қилаётган эди. Самолёт Барселонадан 10.01да парвоз қилган ва радар экаранларидан 11:15ларда йўқолган.