Икки қозоғистонлик 139 кг марихуана билан қўлга тушди

Челябинскдаги ҳуқуқни муҳофаза қилувчи ходимлар икки нафар Қозоғистон фуқаросини ҳамда бир нафар челябинскликни 140 кг миқдоридаги марихуана моддаси билан қўлга олди. Бу ҳақда Россия Бош прокуратураси матбуот хизмати хабар берди.

Бу шахслар “Катта миқдордаги тақиқланган гиёҳванд моддаларини тарқатишга уринганликда” айбланади.

Маълум қилинишича, уларнинг ҳар бири 6 йилу икки ойдан қамоқ жазосига ҳукм қилиниб, 100 минг рублдан жаримага тортилади.

Аниқланишича, бу жиноятчилар Қозоғистоннинг Қўрғон вилоятидан 8 та қопга солинган гиёҳванд моддаларни Челябинскнинг Калининск туманига олиб келишганида қўлга тушишган.