IDROK.UZ Mustaqil OAV
Россия Фавқулотда вазиятлар вазирлиги раҳбари Владимир Пучков маълум қилдики, Охота денгизида чўкиб кетган “Дальний Восток” траулерида Ўзбекистон фуқаролари бўлган. Бу ҳақида Россия ОАВ хабар қилган.
Пучков шартнома асосида ишлаганларнинг оилалари билан консулликлар орқали алоқаларнинг ўрнатилишини Россия Ташқи ишлар вазирилигидан сўраган. Украина, Озарбайжон, Белоруссия, Ўзбекистон, Қозоғистон, Вануату ва Латвия фуқаролари мазкур кемада ишлашган.
«Дальний Восток» траулери Магадандан 250 километр жанубда Камчатка ўлкасининг Крутогоровский посёлкасидан 330 километр ғарбда Охота денгизида ҳалоқатга учраган. Қидирув-қутқариш операцияси давомида 63 киши қутқарилган, шундан 7 киши оғир аҳволда бўлиб, 54 киши ҳалок бўлган.
