Жорий йилда Туркманистон президенти Ўзбекистонга ташриф буюради

Туркманистон Ташқи ишлар вазирлигининг матбуот-хизмати маълум қилишича, жорий йилнинг куз пайтида Гурбангули Бердимуҳаммедов Ўзбекистонга расман ташриф буюради. Ўтган ҳафтада Тошкентда иккала давлат Ташқи ишлар вазирликлари ўртасида бўлиб ўтган сиёсий консультациялар давомида мазкур ташрифга тайёргарлик масалалари кўриб чиқилган. Хусусан, ташриф давомида имзоланишини режалаштирилган ҳужжатлар лойиҳалари муҳокама қилинган.

Бундан ташқари, иккала томон учун манфаатли бўлган халқаро кун тартибидаги муҳим масалалар атрофлича кўриб чиқилган.