google-site-verification=Sfc5fgCylBWBT4bCn0bIGXyn069rrYYRjsKrCWp3uPI
O'tkazib yubormang

Ярадор бўлган ўзбекистонлик чегарачи Фарғона тумани касалхонасига жойлаштирилди

Жорий йилнинг 29 июнь куни  тахминан соат 10-30да Қирғизистоннинг Боткент вилояти Қадамжой тумани Дугоба аҳоли пунктида жойлашган назорат ўтиш жойида хизмат қилаётган қирғизистонлик маст чегарачи Фарғона тумани Шоҳимардон анклави Машаланг аҳоли пункти ёнида жойлашган назорат-ўтиш жойига қаратиб автоматдан ўқ отган. Бунинг натижасида Ўзбекистон Республикаси Миллий хавфсизлик хизмати  Давлат  чеарасини қўриқлаш қўмитаси чегара қўшинлари ҳарбий хизматчиси, Бухоро вилоятида туғилган  оддий аскар Давлатов Собир Шокир ўғли ярадор бўлган  ва туман тез тиббий ёрдам бўлими маълум қилишича, Фарғона  тумани касалхонасига олиб борилган.

kalash

Ҳуқуқни  муҳофаза  қилиш идораларидаги манба берган маълумотга кўра, Машаланг аҳоли пунктининг  бир қисми баҳсли ҳудуд ҳисобланади ва бу чегарадош жойда яшовчи аҳоли мол боқиш билан шуғулланади. Чегарадош ҳудудда фуқароларнинг бўлишини  тартибга солиш мақсадида иккала томондан ҳам бир-биридан 300 метр узоқликдаги  назорат-ўтиш жойлари ўрнатилган.

Гувоҳларнинг айтишича, қирғизистонлик маст чегарачи ўзбекистонлик чегарачиларга қаратиб қирғиз тилида ҳақорат сўзларни айтиб, ҳеч қандай асоссиз “Калашников” автоматидан ўқ отган.

Таъкидлаш лозимки, ўзбекистонлик чегарачи ўз ҳудудида хизмат вазифасини ўтаётган пайтда ярадор қилинган ва унинг ўққа тутилиши Ўзбекистон ва Қирғизистон ўртасидаги  келишувлар,  шу жумладан ҳалқаро нормаларнинг бузилиши ҳисобланади.

Ўша куннинг ўзида минтақавий даражада чегара  вакилларининг учрашуви ўтказилган. Қирғизистон вакили полковник Шаршеев воқеа тафсилотлари билан танишиб, ҳолат юзасидан қирғизистон томони номидан узр сўраган.

Мазкур ҳодиса бўйича Ўзбекистон ички  ишлар  идоралари томонидан  жиноий иш қўзғатилган.

Javob qoldirish

Email manzilingiz hech kimga ko'rsatilmaydi.Majburiy bo'limlar belgilangan *

*

Flag Counter