Хитой фонд биржасини қўллаб-қувватлаш учун 3 трлн юангача маблағ сарфлади

Хитой ҳукумати сўнгги ҳафтада мамлакат акция бозорининг ликвидлигини таъминлаш учун China Securities Finance Corp. (CSF)га йўналтираётган маблағ ҳажмини 2,5-3 трлн юанга оширди (402,5 млрд доллардан 483 млрд долларгача).

  Бу ҳақда жума куни Bloomberg агентлиги ва Financial Times нашри хабар бермоқда. Қўшимча ликвидликни таъминлаш орқали Пекин акция бозори қулашини тўҳтатишга ҳаракат қилмоқда. Жума куни Shanghai Composite фонд индекси ҳафтадаги энг юқори кўрсаткич 3,5%га кўтарилган, Shenzhen Composite эса 5% юқорилаган.

Давлат иштироки мавжуд йирик банклар CSFга 13 июлдан буён 1,3 трлн юан (209 млрд доллар) киритган. Энг йирик кредитни (186 млрд юан) мамлакатда олтинчи йирик банк ҳисобланган China Merchants Bank киритган. Бешта йирик банклар Industrial & Commercial bank of China, China Construction Bank, Agricultural Bank of China, Bank of China и Bank of Communications банкларининг ҳар бири 100 млрд юандан ортиқ маблағ йўллаган. Акция бозорини қўллаб-қувватлаш дастури жами 17 кредит муассасаси иштирок этган.