IDROK.UZ Mustaqil OAV
Греция банклари душанба кунидан уч ҳафталик танаффусдан сўнг яна ўз ишини бошлаган.
Ҳозирда банклар олдида кўпи билан 15-20 кишининг навбат кутиб тургани айтилмоқда. Маълумки, Греция банклари 29 июнда халқаро кредиторлар шартлари бўйича референдум бўлиши эълон қилингандан сўнг аҳолининг оммавий равишда банклардаги пулларини ечиб олиши сабабли ёпилган эди.
Шу вақтда банкоматлар орқали кунига 60 еврогача ёки ойига 1800 евро нақд пул олиш чеклови жорий қилинган эди.
Янги қонунга кўра, банк мижозлари кунига 60 евродан кўп маблағни нақд пул сифатида олишлари мумкин. Агар маблағ бир неча кун давомида ечиб олинмаган бўлса, у ҳолда пулни ҳафтасига 420 еврогача ечиб олиш мумкинлиги белгиланган.
