Рада Донбассдаги ҳарбий операциялар учун қўшимча 241 млн доллар ажратди

Олий рада Донбассда ҳарбий операция олиб бориш учун қўшимча равишда 5,299 млрд гривен (қарийб 241 млн доллар) маблағ ажратди.

 Мазкур бюджетга киритилган ўзгаришни 227 нафар депутат қўллаб-қувватлаган. Қуролли кучларга ҳаражатлар давлат бюджети ва фондига ажратиладиган маблағларни қисқартириш ҳисобига амалга оширилган.

Ажратилаётган 5,14 млрд гривен (233,7 млн доллар) мудофаа вазирлигининг қуролланиш борасидаги тадбирларини давом эттириш бўйича  шошилинч эҳтиёжлари учун йўналтирилади. Қолган 158,7 млн гривен (7,2 млн доллар) қуролли кучларнинг бошқа тизимига шахсий таркибни узлуксиз озиқ-овқат билан таъминлаш учун йўналтирилади.