Афғонистонда 125 нафар ҳукумат аскарлари толиблар томонга ўтиб кетди

Афғонистоннинг шимоли-шарқий вилояти ҳисобланган Бадахшонда 125 нафар ҳарбий хизматчилар “Толибон” ҳаракати томонига ўтиб кетган.

 Бу ҳақда “Синьхуа” агентлиги хабар бермоқда. Агентликнинг маълум қилишича, ҳарбийлар 3 кун давомида Бадахшоннинг Вардуж туманида жанггарилар билан жанг олиб боришган. Кейин эса қуролларини ташлаб толиблар томонига ўтиб кетишга қарор қилишган.

Ҳозирча маҳаллий ҳукумат мазкур маълумотга изоҳ билдирмаган.