Туркияда бомба портлаши натижасида 2 ҳарбий ҳалок бўлди

Туркия жануби-шарқидаги минлаштирилган машинанинг портлатилиши оқибатида 2 нафар турк аскари ҳалок бўлган ва 4 нафари жароҳатланган.

  Бу ҳақда Франс Пресс агентлиги маҳаллий ҳукумат хабарига асосланиб маълум қилмоқда.

Воқеа ҳарбийлар гуруҳи Диёрбакр (курдлар пойтахти ҳисобланувчи) вилояти бўйлаб йўлда кетаётган вақтда юз берган.

Маълумки, Туркия жума кунидан Суриядаги ИШИД ва Ироқ шимолидаги Курдистон ишчи партиясига қарши ҳарбий операция бошлади. Мамлакат қуролли кучлари Зап, Метина, Гара, Авашин, Синат, Хафтанин, Хакурк, Кандил туманларидаги курдлар позицияси бўйича зарбалар йўллаган.